ADEGA pretende facilitar á cidadanía a denuncia de plantacións ilegais de eucaliptos a facendo uso dun´Kit de emerxencia´ no que se inclúe un modelo de denuncia.
O aumento do cultivo do eucalipto vén da man do abandono agrario e do declive do medio rural galego. A falla dun modelo produtivo sustentábel, multifuncional, de implicación ambiental e social orquestada dende a administración (“El mundo rural está condenado a desaparecer”, Samuel Juárez, ex-conselleiro de Medio Rural dixit) fai que o destino de moitos montes e terras agrarias sexa o monocultivo, nomeadamente do eucalipto, substituindo de paso ás frondosas autóctonas. Para facilitar á cidadanía das plantacións ilegais de eucaliptos, ADEGA presenta dentro da campaña Cousa de Raíces un modelo de denuncia e información práctica sobre o considerado ilegal pola nova Lei de Montes. Seguir lendo
O roteiro organizado por ADEGA e Salvemos Catasós o pasado domingo, 25 de xaneiro, polas Fragas de Catasós (Belelle, Quiroga e Casas Vellas) congregou a máis de 300 persoas que foron a coñecer a zona e a demandar, ao mesmo tempo, a conservación das fragas fronte o proxecto da Liña eléctrica de Alta Tensión que Unión Fenosa. Ao roteiro uníronse tamén os colectivos de Verdegaia e Gentalha do Pichel, de Santiago de Compostela.
ADEGA dedicará o seu primeiro roteiro do programa “Cousa de Raíces” a coñecer e defender as Fragas de Catasós (Casas Vellas, Quiroga e Belelle), de Lalín, o vindeiro domingo, 25 de xaneiro. O programa de roteiros 2015, titulado “Cousa de Raíces”, que ADEGA-Lugo impulsa este ano, pretende achegar as persoas participantes a algúns dos bosques máis emblemáticos do País, pero sobre todo, a lugares que representen a enorme variedade de floresta autóctona coa que contamos, pese a que nas últimas décadas está fortemente ameazada e en regresión.
Cousa de Raíces 