A Alianza Rural insta á Xunta a prohibir as plantacións de Eucalyptus nitens en todo o país

Unha recente sentenza da Audiencia Nacional ratificou a prohibición de plantar E. nitens nunha parcela asturiana como pretendía ENCE. A peritaxe científica foi demoledora: esta especie ten forte carácter invasor e é un risco para a biodiversidade. Esta sentenza é histórica e senta xurisprudencia, polo que a Alianza Rural (ADEGA, CIG, FRUGA e ORGACCMM) pide que se aplique tal prohibición en todo o territorio galego.

Presentación da campaña “Cousa de Raíces” en Ferrolterra

O pasado sábado dia 19 de setembro a delegación de ADEGA-Ferrolterra levou a cabo a presentación da Campaña de Cousa de Raíces na comarca, concretamente, na paraxe coñecida como a Casa do Monte ou tamén Pazo do Monte en Santa Icía (Ferrol). O acto consistíu nunha pequena charla sobre a situación do noso bosque autóctono, que na actualidade só representa o 30% da superficie arborada e en retirar os eucaliptos que estaban a agromar nunha parcela pública con vocación de carballeira.