Homenaxe en Fene ao escornabois, unha das especies en perigo de extinción

Publicado en Galicia Confidencial | Fene | 29/03/2017 | Actualizada ás 10:20

Crearán unha pirámide de madeira morta. É o xeito que teñen os comuneiros e o Concello de poñer en valor un dos grandes insectos dos montes do país. A Comunidade de Montes de Marraxón, Sillobre e a Concellería de Medio Ambiente do Concello de Fene acaban de poñer en marcha unha curiosa iniciativa para a rexeneración e posta en valor do monte comunal. O seu obxectivo é poñer en valor o monte e, de paso, homenaxear a un dos seus grandes insectos, o escornabois ou vacaloura, que está en perigo de extinción.

A resina dos piñeiros: un aproveitamento con visos de futuro

Recentemente constituíuse en Galiza a Asociación de Resineiros Galegos (AREGA) co  obxectivo de poñer en valor e promover o aproveitamento da resina dos piñeiros como recurso ambiental, económico e social. A recuperación desta vella práctica, perdida nos montes do sur, alá polos anos sesenta, volta en pleno século XXI para agromar como alternativa a outros usos do monte menos sostibles.  Neste espazo de Radio Cerna escoitarás a Xián, un dos membros e tesoureiro de AREGA, onde nos explica en que consiste o seu traballo, os obxectivos da asociación e cales son as perspectivas de futuro do sector. Escoita este espazo desde AQUÍ.

Facebook de AREGA: https://www.facebook.com/arega16/posts/570296763121264:0

 

EUCALIPTO CERO, COMO EN EUROPA! 6 medidas urxentes para salvar os nosos bosques e poñer couto ao eucalipto

EUCALIPTO CERO, COMO EN EUROPA!

Máis eucaliptos, máis absentismo, máis incendios, máis despoboamento…  É este o futuro que queremos para o rural galego?   Debemos facernos esta pregunta neste Día Mundial da Árbore. A crecente inquedanza social pola imparábel estensión do eucalipto, que xa acada en Galiza máis de 500.000 ha, fai precisa dunha reacción por parte da cidadanía galega e por suposto, tamén da Xunta. A especie cobre xa case o 17% de todo o territorio galego, mentras que en Portugal non chega ao 9%. A intensidade de ocupación da nosa terra é portanto dupla que no país veciño. Este dato chama a atención non só pola importante superficie que representa, senón tamén porque de todos os estados europeos, só España e Portugal permiten o monocultivo desta árbore. Que razóns xustifican esta anomalía? As máis de 60 entidades e colectivos que formamos parte do movemento a prol do bosque galego “Cousa de Raíces” cremos noutro tipo de xestión forestal e na multifuncionalidade do monte, por iso convidamos a Administración nun día tan sinalado como hoxe, Día Mundial da Árbore, a tomar unha serie de medidas urxentes.

Cousa de Raíces será presentada este sábado en O Vicedo

ADEGA presentará esta sábado, 18 de marzo, no Vicedo a campaña “Cousa de Raíces”, de posta en valor do bosque autóctono e a multifuncionalidade do monte. Será no marco das Xornadas forestais organizacións pola Asociación Nordés tituladas “Para que serve o monte?” e que intentan abrir o debate sobre a predominancia do monocultivo do eucalipto sobre outros usos do monte galego.