Bota a andar a recollida de sinaturas da ILP do bosque autóctono e contra a eucaliptización

Un de cada 5 metros cadrados de solo galego está ocupado por un eucalipto

Representantes das organizacións promotoras da ILP “para a protección e mellora dos hábitats de bosque autóctono, a racionalización da xestión do monte e a loita contra os incendios forestais”, anunciamos este día 20 o inicio da campaña de recollida de sinaturas, que se prorrogará até o vindeiro mes de marzo. Como obxectivo marcámonos conseguir que chegue ao Parlamento co maior respaldo social acadado nunca por unha Iniciativa Lexislativa Popular, dada a preocupación que a cuestión forestal suscita na sociedade galega. Se queres colaborar na recollida de sinaturas, envía os teus datos de contacto a cousaderaices@adega.gal.
Seguir lendo

Advertisements

A sociedade civil debe tomar a iniciativa na ordenación dos montes galegos e portugueses fronte a eucaliptización e os lumes

PC025699.JPGSalceda de Caselas, 3 de decembro de 2017.- O Centro Social A Devesa, no concello de Salceda de Caselas, acolleu no día de onte as “I Xornadas Galego-Portuguesas fronte a eucaliptización e os incendios”, organizadas pola rede de entidades a prol do bosque galego “Cousa de Raíces”, o colectivo ecoloxista ADEGA e a Asociación Treze-Catorze, coa colaboración do Concello de Salceda, a Associação Quercus e a Asociación Matogueira. O acto foi inaugurado por Marcos Besada, alcalde desta localidade pontevedresa afectada no 25% do seu territorio polos incendios forestais de outubro. A continuación, facemos unha cŕonica da xornada.

Seguir lendo